聽到呢句歌詞令我不禁回想起當年中學年代，一放break就狗衝去汽水機㩒包往往係貴d但又成日售罄既朱奶。每次去到得個吉既時候真係火都嚟埋。一有貨就大件事囉，仲記得當年爭崩頭既時候，手踭一批，唔小心批到隔離女同學個……手踭。 係西雅圖呢到唔容易撞到維他朱師奶，唯有飲下Trader joe自家出品既朱奶頂下癮。呢隻朱奶即使雪凍左仍然保持到朱古力味既濃香度，奶夠滑，最緊要唔似對家QFC出個隻飲飲下d朱同奶分離左，做到perfect balance👌🏼 咁上網research下呢隻朱奶啦，公司就話佢地係公平貿易下採用秘魯北部一個小型農村出既朱古力豆既…咁每一支 (1.89L) 如果無價格變動就做緊US $3.99。 睇到呢到可能你會問：其實句歌詞同朱奶有咩撚關係… 其實無架，純粹同隔離屋朱師奶一樣，得閒nine up下。 歌詞來源：泰文版幪面超人主題曲粵語發音版
