唔知中意#珍奶 既朋友有無類似以下既經歷？⁣ ⁣ 小編自問只係一位珍奶愛好者，但未去到#珍珠控咁高階，最多都係一星期一杯。不過自從唔小心比朋友知道左患上#珍奶癮 之後，身邊就有幾位朋友開始一見到FB IG post個標題寫【一杯珍奶=5碗飯】、【台灣少女狂飲珍奶 皮膚早衰老 貌似48歲老婦】，就post係小編個wall到，係comment到搶先tag…驚死你睇唔到咁… 高峰期試過同一個post有5條友不約而同tag左小編…😅⁣ ⁣ 其實小編都明白大家既好意，但你地又明唔明無得飲珍奶既女人係仲恐怖架？？？？？⁣ ⁣ Anyways 成功呃左你睇到呢到，其實呢個post係介紹 - #小美黑糖珍奶雪條。 未試之前以為珍珠雪凍左會好硬，點知咬落去竟然仲好煙韌!! 再講下掛實係雪糕上面既 #黑糖，賣相係幾靚，不過舔落去有食家表示略為偏甜。雪糕都幾滑同有奶味無乜特別comment。雪條唔算溶得好快，唔會食到成手都係。⁣ ⁣ 點解特別要介紹佢？因為通常係99 Ranch Market 好快比人掃晒，日本超市Uwajimaya更加要限買…