好耐冇post嘞！今次想介紹一間新派日本餐廳，Rule of Thirds。

間餐廳有好大好靚嘅前園，設計簡約，感覺好舒服，冬天有戶外heating同獨立小屋，夏天就有大傘幫你遮風擋雨，好正！

我已經嚟過好幾次，小朋友亦好鍾意，所以最近又再嚟食。今次最特別係早一日預定左佢地嘅全鴨，全鴨可以三吃，（鴨胸，鴨脾瓦煲飯，鴨湯）。鴨胸肥美嫩滑多汁，配上八種唔到醬料一齊食，每一啖都有驚喜！如果鍾意食鴨，記住要預定先有得食㗎！

我地另外亦有叫其他小食，因為個menu係seasonal，所以有啲上次食過未必再有。上次第一次食lamb tongue，正到爆！我個仔話一定要食返，本來話冇哂，不過個廚師見我地咁想食，話仲有兩條比我地，真係好開心！（靜靜雞話你知，個廚師係之前喺okonomi主理嘅台灣裔師傅嚟㗎！）梗係要去撐啦！

其實樣樣都好食，我post返上次去食嘅appetizers 比大家睇下😀。

大家如果唔想去city，呢間餐廳係唔錯嘅選擇，佢哋有好幾個private room，啱哂搞party! 仲有好多清酒sake選擇！正！

Bonus就係地點位於年輕族群喜愛嘅社區Greenpoint。行過幾條街仲係香港人開嘅「巧撚正」！經過整返串咖喱魚蛋同魚蓉燒賣都唔錯㗎，仲可以同教主張大海報打咭添呀！