報名英國本地學校疑惑 1
根據你哋為小朋友過嚟英國本地學校讀書嘅憂慮, 我會分開幾日盡量用我知道嘅知識同埋"英國解決方法嘅模式"去解答你哋。 今日講住三個問題先, . 1. 究竟想係2021年 9月入讀英國嘅本地學校，要幾時入紙學校？ 2. 插班生係咪入 Ofsted 評估係 Good 的學校都難？ 3. 租屋有冇agent會可久搖距代辦先，偷時間ready 地址盡快報學校？ . ========== 懶人包 . 直接幫個小朋友申請入私校 . ========== . 1. 究竟想係2021年 9月入讀英國嘅本地學校，要幾時入紙學校？ . 如果係升小學 (Reception, 4歲) 同埋升中學 (Year 7, 11歲) 嘅學生，你哋就要留意下面呢個截止申請日期。 National Closing Date 小學 15 January 2021 中學 31 October 2020 . 最基本可以入紙申請嘅資格，第一 你嘅小朋友已經擁有可以入讀本地學校權利嘅簽證。第二 你可以顯示到你喺個區嘅居住證明，例如係一張雙方已經簽好嘅長租約，顯示到係準備搬去呢區。如果係搬去朋友屋企嘅話就要朋友白紙黑字寫低證明你哋係準備搬去同佢地一齊住。 !!!!!!!!!每個 Council 嘅要求都唔同你哋要自己睇返!!!!!!!!! . 如果用 LOTR 嘅酌情安排入嚟已成功租到屋或者可以用到朋友屋企申請學校嘅話，你哋的確可以喺deadline之前入紙申請，如果可以統一排位嘅話，入到心水嘅學校機會就大咗好多。放榜日期喺下面： Offer Day 小學 16 April 2021 中學 01 March 2021 . 如果大家係申請 BNO Visa 之後先過嚟基本上已經會過晒呢啲申請入學嘅時間，喺截止日期之後申請會等到排位結果出左之後先會再排，通常都要等到7/8月先知道派位結果，當然每個地區政府速度快慢有別。 . 就咁睇，只要你係經 BNO Visa 入嚟英國又要搵本地學校嘅話基本上全部都係插班。需要插班嘅學生基本上任何時間都可以申請，佢哋會按照你住嘅區域附近最近嗰間學校派學位，所以你申請嘅時候一定要有上面講過最基本嘅要求。 . 如果你好似我咁住喺兩個 Council 啲邊界位，可能隔離 Council 間學校近啲 好啲 同埋有位，係咁嘅話你就要直接同隔離 Council 申請啦。 !!!!!!!!!並非所有 Council 都用 Catchment Area!!!!!!!!! . 大家都知道英國都有校區範圍，但係好多 Council 都未必會用呢個作為收生嘅標準，有好多學校會有自己一套嘅收生標準。我唔用校區界別嘅話，好多時會用返你嘅居住地點拉條直線去計吓最近嘅學校作為基準，當然會有其他特別嘅計算方法，好似香港一樣例如你有兄弟姊妹已經喺嗰間學校讀書/信仰原因/自己考入去。 . ================================================= 2. 插班生係咪入 Ofsted 評估係 Good 的學校都難？ . 正如上面篇文講，插班生係睇返間學校有冇位同埋近唔近你嘅居住地點，咁就要睇吓你揀嘅居住地點喺邊區啦。 . 居住密度比較高嘅位置例如城市裏面基本上佢哋嘅學校配套都會多番，每間學校每年都會有一個收生限額，我睇過啲數據有部份比較大間嘅學校係有收過多於限額嘅學生數量。但係就算你係睇政府放出嚟嘅數據都好，嗰個收生比例係用全校學生咁計，並非根據每一個年級去顯示，即係話就算佢仲有剩餘學額，都未必係你想申請嗰個年級。相反有啲滿咗學額嘅學校，都有機會因唔同情況而接受插班，所以你哋除咗搵合適嘅住址之外，同一時間都要同嗰個位置隔離幾間嘅學校聯絡，睇吓有冇學位先知去選擇做唔做嗰到。就算學校嗰陣時話有學位，但係當你真係向 Council 入紙申請之後再等幾個禮拜先有結果。 . !!!!!!!!!記住同一個時間可能有幾十個香港家庭住喺你嗰個區域，所以真係考慮返呢啲問題!!!!!!!!! . ================================================= 3. 租屋有冇agent會可久搖距代辦先，偷時間ready 地址盡快報學校？ . 我就未試過唔睇樓就租屋，但係我覺得未必冇可能，$$$$$$$嘅問題黎姐。因為報學校最基本就係要有一份雙方都簽好嘅租約，所以某程度上係有機會可以咁樣做嘅。但係起租嘅時候你要親身去攞鎖匙就係必須，因為佢仲會有好多文件會俾你例如 Inventroy List，基本上有幾日時間俾你去check清楚有冇問題，你自己喺起租之後，一直唔攞鎖匙嘅話，呢份清單裏面所有嘢就會當係真，你之後先入去睇所有嘅問題都係自己上身。 . 另外就係你搵到親戚朋友，用佢哋嘅地址幫你嘅小朋友申請學校，但係呢個親戚朋友係需要白紙黑字寫低證明你哋係會搬入去住，記住中途要轉校係一個好複雜嘅遊戲，你哋過到嚟已經有好多嘢去處理，個人認為唔應該再曬呢啲時間，你嘔血唔嘔得幾多次。 !!!!!!!!!呢個方法並非每個地方都得你要睇返自己個 Council 俾唔俾!!!!!!!!! ================================================= 入 Post Code 搵返自己所屬 Council https://www.gov.uk/find-local-council 搵 Ofsted 學校報告 https://reports.ofsted.gov.uk/
呢篇文章係轉載自 住到英國鄉村邊緣 記得follow 埋人哋呀～^_^ https://www.facebook.com/Prefercountryside/posts/1252795591743515
