📍Whitney Hill Antiques Greenfield, MA IG @whitneyhillantiquesmarket

行古董店仲好行過博物館, 特別係Massachusetts 其實係一個非常富有歷史嘅地區。喺古董店你會發現好多好「新奇」嘅歷史物件，例如有1960年以前嘅汽水玻璃樽，1932 年嘅學校合照，年份不詳萬壽無疆嘅茶壺，仲有唔知打過邊次仗嘅軍服，見到有子彈窿就令我諗起Ghost Whisper 其中有一集個老豆嘅鬼魂返嚟搵返佢個仔。另外，仲可以不斷見到Annabell 嘅同款公仔😐（安已不🤡**)。我相信呢款公仔喺好多年前，應該係好似Barbie 咁紅。

大家如果有機會嚟到波士頓，可以去到Western Mass 行下位於Greenfield 嘅三層高嘅古董店（星期六，日Free street parking). 三層古董店其實喺波士頓地區好少見。一入到去老闆就好友善咁歡迎你"How's going?" 之後基本上你都可以隨便參觀，每一層都有唔同主題。地庫層就有好多唔同年代嘅洋娃娃，而最令我打冷震嘅就係有個舊式小朋友玩嘅木馬(試幻想下佢會喺無人嘅時候自己個郁😫）；第一層主要係屋企用品/廚房用品/懷舊玩具居多；第二就有唔同嘅服裝同軍服，亦都有唔少近代啲嘅按摩器同手飾。