⬇️⬇️更多波士頓生活資訊⬇️⬇️ www.instagram.com/feiforfun www.facebook.com/feiforfun ─────────────────── 今次Pennsylvania road trip 其中一個我好期待嘅活動就係去Amish Farm. 本身我只係喺電視上面一啲documentary 節目先聽過Amish 群體。而事實上佢地因為各種原因，大部份Amish 都係喺Lancaster, Pennsylvania. 對於佢地嘅生活模式我完全係零概念，淨係聽過(我以為）佢地唔可以用電力，唔可以同外面非Amish 人講嘢，唔可以返大學......etc. 太多誤解。所以見到有Amish Tour, 可以了解更多Amish. 但今次tour 有太多資料，我自己都唔係好記得🙈

『What is Amish?』 Amish (又或者係Pennsylvania 德文─Amisch) 佢地係基督新教Anabaptist Christian 其中一個分支。每個信徒/教徒都要學Pennsylvania German, 因為呢個係教會嘅方言。Amish係拒絕揸車，如非必要都唔會用電力，手提電話，手飾etc. 呢啲我地覺得最普通不過嘅生活上嘅必需品，對於佢地嚟講係『奢華』嘅象徵。 佢地信奉嘅宗教，都係要過住一啲簡樸嘅生活。

『拒絕─現代文明』 佢地唔係無電話，但佢地每個屋企可能只有一部手提電話(非Smart Phone) 只有打出打入功能。仲要收埋喺屋外面。佢地到而家都係會『揸』馬車。每個Amish 屋企出面，你都會見到有好多白色嘅propane, 因為佢地無電力，佢地用嚟保暖同煮食就係用propane. 佢地嘅衣服只可以係淨色，唔可以有任何花紋。唔可以有任何鈕扣，只可以用針線。某程度上，我覺得佢地嘅生活好原始，仲好環保。至於點解佢地信奉樸素生活呢？因為佢地認為生活上只要一有物質上嘅支持，就會令到人會互相競爭。

『一出世係Amish, 就一定要做Amish?』 好多人對Amish 嘅誤解。其實喺Amish 家庭出生，佢地可以選擇唔做Amish. 因為要受洗後先可以成為Amish 嘅一份子。每個Amish 小朋友到成年之後可以選擇接觸出面嘅世界，可以返大學。有15%嘅人見識過出面世界之後，都選擇唔繼續做Amish.但佢地嘅家人唔會因為咁而disown 佢地。就算唔做Amish, 都仍然可以做一家人。

『唔可以去旅行?唔可以搭飛機？』 Amish 如果要搭飛機都要佢地教會嘅傳道人/執事批准。我諗佢地咁嘅生活模式，佢地都唔會有『去旅行』嘅概念。

『唔受美國政府監控？』 Amish 好多都有農場事業，基本上只要佢地嘅生意無同『美國』人有任何接觸。佢地唔使比美國稅，因為佢地有佢地Amish 專屬嘅交稅嘅表格。我覺得最神奇嘅係佢地嘅生意又真係可以只做Amish 生意，唔需要理會美國。喺美國生活但又唔使同美國打交道🤔

註1️⃣瞭解Amish 嘅生活模式，令我大開眼界。原來有一個群體嘅人係拒絕現代文明。 註2️⃣之前對Amish 有好多誤解，但其實佢地一樣可以同其他人一樣可以去接觸出面嘅世界。 註3️⃣原來佢地連單車都係禁止🤯