喺澳洲工作，大部份嘅工種都會被某一個職業標準所包含，即有相關嘅要求，以訂立僱主同僱員間嘅期望，例如，唔同職級嘅最低工資（時薪）、超時計算、工作時間等等。 因為團結就係力量，好早期開始，工人之間就組織起嚟，同資方去磋商一啲要求。後嚟，一啲工會（Trade or Professional Union）就應運而生，團結唔同公司但同等工種嘅工人，去爭取一啲比較劃一同埋合理嘅安排。註：所謂合理，有時並唔等如完全幫晒勞方。同時工會亦有法律僱問，喺有需要嘅時候會介入。 公平就業機會(Equal Employment Opportunity)喺講一啲就業時候，特別係喺聘請階段，對僱主嘅法例要求，筅選過程應該喺考慮申請人係咪合符職位嘅必要條件，而唔可以因為個人嘅不同性而作出歧視，包括性別、年齡、種族、政治取向、性取向、殘疾等等。 呢一集嘅節目，我地會傾下呢兩個話題： https://drive.google.com/file/d/1CaN0gfVmrMKm_CuEUFkcB9yqcO062WNM/view?usp=sharing

2CR 移民手冊: https://www.facebook.com/MigrantHandbookat2CR 若有個別移民定居問題, 歡迎同我地聯絡。