打卡呃like指數：極高⁣ 謝天華式攀山指數：輕微⁣ 跣腳仆街指數：甚高⁣ 落山腳震指數：極高⁣ 公廁“清新“指數：中等⁣ 翌日腳痛指數：甚高⁣ ⁣ 今次我地帶大家走過西雅圖大地，嚟到位於華盛頓州東北部Snohomish County，Mt Pilchuck state park旁邊既Lake 22。⁣ ⁣ 是次行山之旅都係美術部MK之神神級推薦，目標去影個到雪山環繞既湖景。開頭聽到話個到6月仲有雪都嚇左一跳，但MK之神拍晒心口話人地着波鞋短袖衫都去到，我地就心口一個勇字，冒死相隨。⁣ ⁣ 一去到起點，驚見mountain people mountain sea😅由於仍在疫情期間，有d人都無戴罩行山，所以大家係好窄既山路上你避我讓，好似行緊彌敦道咁。⁣ ⁣ 沿途行上去有一兩棵塌樹同碎石欄路，相信係因為近期大雨同少左state park 維修人員出動有關。路線整體嚟講可以既，只係中段有一段特別崎嶇特別窄，有位行山客跣腳差d碌落山(oh💩)其中一位有少許畏高既小編嚇到喊媽媽🙈🙈⁣ ⁣ 行左大概1個半鐘左右，終於見到個湖啦！比雪山環繞既感覺的確好震撼，望住平靜既湖面瞬間心境平靜晒，個一刻大家都比個景色震攝到靜左…然後…相機影先… ⁣ 沿住湖邊既木橋行到去雪山那邊，遠見一兩個人勇闖雪山上面既洞穴，可惜小編們着住對波鞋係山腳已經跣到hihi，無緣登上雪山洞穴。⁣ ⁣ 温馨提示：雖然景色優美，山明水秀，但同時勁多烏蠅出沒，鏡頭背後我地成班好似跳緊hip hop locking咁。⁣ ⁣ 如果大家想我地介紹更多西雅圖山系打卡聖地，就記得cls我地既山系post，pm話我地知你地想睇咩review啦～