今次Skyline loop trail之旅解鎖左唔少One Road成員既隱藏技能。 首先要恭賀港女成功躍升為髮夾彎車神，實力僅次於太平山車神。因為進入左national park範圍之後，駛上trail parking lot既路段真係九曲十三彎。雖然路仍然好闊，同埋清早時間去迎頭車唔多，但彎多到真係會坐到少少暈，所以揸完呢段路之後真係個個變車神👍今次全靠港女無比既決心先有機會去得成呢個trip💪👏 其次，要恭賀廢青揾到新既秘撈技能 - 幫非人類物種拍寫真。請大家欣賞下廢青為山上遇見既松鼠、土撥鼠影既人生照。當然要多謝模特兒們通力合作，面對多支大炮相機都無懼鏡頭，仲好有表演慾咁揾埋拍擋上演一場打情罵俏。 最後，要頒發終身成就獎比小編。因為佢可能係史上最體弱既人類物種成功征服左呢條skyline loop trail，而落山之後仲仍然有呼吸脈博。👏👏 今次我地選擇先苦後甜既行法: 先行最斜既路段上山，再行平坦d既路落山(clockwise方向)。如果以平時無乜做運動慣係屋企攤屍既小編為基準的話，初期路段的確會好快索氣，但未至於行到大腿肌肉好攰，之後都相對容易好多(當然要視乎各位既身體體質，要量力而為)。同埋徑道都夠寬闊，唔似lake 22個款隨時真心碌落山咁驚險。 今次既行山小記暫時講到呢到，下次幾時會再行山就...下次先算，哈！Byeeeeeeeeeeeeeeeeeeee