喺香港買嘢講價就梗ga 嘞, 其實喺唔少亞洲國家應該都普遍。

嚟到澳洲買嘢呢，尤其如果你係剛到埗，唔好話講價，有時連去邊到可以買到乜，都未必分得清，好似小電器為例，真係可能都唔知去邊度買，但，神奇地，有時喺大型超市例如Woolworths 同 Coles唔知點解又會買到喎, 例如係多士爐同風扇 … o

大型啲嘅舖頭，呢好似香港百老匯、豐澤、蘇寧果啲呢，喺澳洲就有JB-Hi Fi (唔係淨賣 Hi Fi), The Good Guys (入面有女售貨的, 但男嘅係咪 Good 就唔敢包), Bing Lee (呢個係我移民後覺得最奇哩嘅商舖名, 講真), Harvey Norman等等 …

有時又有啲小店, 可能係一間, 或一兩間同一個老闆咁

嗱，買嘢方面呢，有兩個觀察，同香港比較，值得講一講： 1) Sales 唔一定知自已sell 緊咩, 無嘢送, 無信用咭折扣 Well, 好幾次問啲Sales 呢, 佢會好積極咁幫你用電話喺網上搵下個產品詳情，都好好ga la, 有啲仲可以一字不漏讀晒賣點；但勸大家如果想問佢地產品Ａ同Ｂ嘅比較係咩睇法，我諗要調整期望；每到果一刻，我都會諗起啲豐澤、百老匯、蘇寧哥哥其實都好勁，買電話、相機仲幫你貼埋張保護貼，送埋俾你又點話；btw, 有時提下你用邊張咭會有折, 再唔係就送嚿電呀、stand 呀, SD Card 之類之類…. Well, 喺澳洲買呢啲，大部份情況下都 ~ 無! So saaaaad _

2) Price Match 澳洲咁鬼大，人工咁貴，邊會好似香港咁啲舖不時同其他競爭對手比較價錢吖。所以，有時你會發現同一件貨品，喺Ａ同Ｂ可以差幾十蚊。不過，唔少店都會有做Price match, 意思係你如果見到同一件貨如果喺其他店賣得平啲，佢會可以比返果個平啲嘅價你! 嗱，好似我前個禮拜，去買個新電話，去到JB, 見到佢mark $599, 好彩記得即上網搵下，咁咪問個哥哥: 喂人地HN賣$529喎, 做唔做 price match… 咁佢叫我俾個電話佢望下個廣告，就賣咗$529俾我咯 … 哈!

Happy shopping~!