義務工作相信對唔少人都唔係陌生，鍾意貓狗等動物亦唔少人，但將兩樣嘢合二為一呢，其實就更加有意義。 唔少人都知道，有一啲貓貓狗狗等，可能係唔好彩被遺棄、走失、或者出世無耐嘅貓狗BB, 本地嘅大品牌動物協會，會喺動物未被領養一段時間嘅時候，會人道毀減（嗚… _）, 本地有啲好心人士就成立一啲協會，盡量幫呢啲小朋友搵一個家，俾佢地有一個機會。 但係喺等候嘅時間，就會徵召一啲寄養家庭(foster home), 一方面等佢地可以被照顧，一方面亦可以喺寄養家庭裡同人有時甚至係其他動物相處。我自已幾隻貓咪都係喺香港同悉尼嘅寄養家庭度嚟，foster carer 仲將佢地觀察到嘅嘢同我分享，令我可以好快就知道用咩方法照顧佢地。 今年因為COVID多咗留嘅屋企，於是，都加入呢個行例，做咗foster volunteer。 加入嘅組織叫 Paws & Recover, 佢地專門為一啲有家庭突變嘅小毛孩搵義工暫時照顧，當中有啲係因為獨居嘅主人要入醫院，主人經歷家庭暴力要離開本來嘅住處，主人嘅家園因為火災、洪水等等災害而要去臨時疪護中心，所以須要啲時間去重新建立家園，先可以接返佢地。 我第一個任務係一個住喺同區嘅長者獨居屋嘅貓咪，年長嘅主人突然跌倒而要住院，於是，兩個多禮拜裡，我就每日早上去餵貓咪，同佢玩下，換下貓沙。貓咪由起初有啲怕，後來主動走來想我摸佢。哈，好可愛。 剛剛照顧嘅貓咪，因為有一隻腳受傷，做咗手術，遲啲要返去再睇下使唔使做第二次，之後希望可以幫佢搵主好人家。其實隻貓咪好聰明，好乖，食嘢都好叻。 貓咪嚟果日，我同負責運送佢嘅姐姐傾咗一陣，佢話佢地唔想而家安排領養，因為怕日後嘅毛孩父母會因為醫藥費貴而唔幫佢安排治療。咁嘅諗法，真係好貼心，實在令我好尊敬！ 同姐姐傾起，先知呢個組織嘅發起人，真係一個好有心，出錢出力嘅人—Jacki 原來Jacki 係本地一個 Senior Constable 高級警長，有幾次執勤嘅時候去到一啲公屋(public housing)度，毛孩父母因為家暴及突然要入院等情況，無人可以暫時照顧毛孩，所以成立咗呢個組織，搵志同道合嘅有心人士幫手，就係因為呢份嘅熱誠，讓呢個組織可以支援到一啲有家庭突變嘅人士，同時亦獲得幾個獎項： https://www.dailytelegraph.com.au/news/pride-of-australia/pride-of-australia-2018-cop-jacki-largo-honoured-for-creating-paws-and-recover-charity/news-story/990dc110aa514b4445dd0d727b954ee6 https://rescueawards.com.au/finalists-2020/ 見到貓貓有個暫時溫飽嘅生活，而且寄望佢能夠日後搵到個Forever home，其實好有滿足感。作為貓義工，自已須要出嘅力，僅係一點點，相比起Jacki 身體力行，每日放咗工就係為呢啲動物而奔馳，而且係咁多年，汗顏，佩服了！