Ramen Danbo 暖暮拉麵【小編開始出現 #193 幻愛症侯群,係咪應該要睇醫生?】

美國 - 華盛頓州 - 西雅圖 地膽推介 - 搵食不求人
  吸睛指數 42197       2021-05-05 04:54:51

實不相暪,隨波逐流既小編最近成日掛住煲 #花姐error遊系列 ,導致勁多post都未得閒執相,hold住出唔到街🙈。由於中毒太深,睇得太多error食特辣拉麵、特辣燒肉、食蟲、食屎,搞到小編都想食………日本拉麵呢~😏😌 至於係西雅圖云云拉麵店之中,呢一間可算係人氣極高!

來自九州福岡既 #暖暮拉麵 (#Danbo )主打豚骨拉麵,係日本境內就有23間分店,而海外分店就遍布澳洲、加拿大、美國、越南。哦~原來成個美國西岸就只有西雅圖呢間…要食另一間已經要去到東岸紐約先有,怪唔得長期見到源源不絕既人龍啦……

要擊敗其他肯排成個鐘去食碗拉麵既痴線對手,小編連同兩位揾食專員決定要比佢地更痴線,係開門前十五分鐘已經守住係門口,誓要即刻攞到位。💪🏼

今次小編叫左Negi-goma Chashu-men。呢個湯底有白芝麻、同 大量蔥花出末注意!!!!,面積覆蓋成半碗咁多。雖然係咁,但飲落個湯味道又多左一個層次、係濃郁既豚肉湯+芝麻油中帶有一點清新。仲有要提個pat辣醬,開頭都懷疑無啦啦做乜幫我加辣,望真d?原來碗碗都有。放心,pat辣醬溝開之後碗麵只係微辣,絕對唔洗#快吞轟 ,純粹係畫龍點睛,減低碗拉麵既油膩感。叉燒肥瘦比例剛剛好,同樣食完唔會覺得好油膩。(之前食過山頭火既叉燒比較多肥膏,雖然係有“入口即融“但真係好q油🙈)

排隊小貼士:如果唔想排成個鐘先食到的話,真心建議係佢11am開門前十分鐘就好企定定係門口。因為排隊當日小編身後已經有唔少人一樣等開門,所以大家切勿鬆懈。

好啦,出完post, 無咩事,小編都係繼續返去煲error節目…好期待#Error自肥企劃 呀!!

借位好奇一問:唔知西雅圖呢到有無人都睇緊error節目或者係33老婆呢😉?

@ramendanbo_usa Address: 1222 E Pine St, Seattle, WA 98122

標籤
按以下標籤查看其他相關資訊
已複製
WhatsApp
聯絡方法
聯絡電郵 oneroadtoseattle@gmail.com
社交媒體網址
評論 (要登入咗先可以評論)