By 芝城莫文胃

芝加哥嘅冬天比其他大城市長，而一到冬天大家出去外食嘅意欲就算無武肺都會大減。有見及此，就有啲好聰明嘅餐廳老闆將佢地包裝成Summer 或 Spring House ，再將個暖氣開到勁大，吸引客人入去尋找春天嘅感覺～～ 今次文胃搵到呢間叫 Wake N Bacon, 去之前要make reservation, 通常weekday 都有位嘅, 但係一到weekend呢間嘢就超級忙喇，手快有手慢冇㗎～

呢間野從外面睇好暗又冇乜特別嘅, 但係一入到去就有令人💗💐愁放嘅裝修，見到滿天繁花心情就已經開心咗一半！到坐低咗落嚟，你就要Scan枱上面嘅QR code order 嘢食，成個過程好seamless 冇直屬侍應招呼你㗎。咁佢到底有咩好食，令到文胃要寫佢出嚟呢？

Purple Haze ⭐️⭐️⭐️✨ 首先要講下呢個超靚嘅紫薯咖啡～ 其他地方未見過，除咗冰多咗啲之外，文胃覺得係好飲嘅

Fried Chicken Egg Waffle ⭐️⭐️⭐️⭐️ 呢度竟然有雞蛋仔食，仲要溝埋炸雞食添，你話文胃見到係咪超興奮，勁開心😻😻😻至於係咪外脆內軟香港級數呢？就當然唔係啦，個雞蛋仔有啲淋淋地，一啲都唔脆，但係個炸雞呢就好脆又夠辣，文胃幾鍾意。如果你唔鍾意鹹甜撈埋一齊嘅，佢有個甜品version 㗎!

Ube Flap Jack Stack ⭐️⭐️⭐️ 簡單啲來講就係紫薯pancake加蛋加芝士加厚煙肉搭埋一齊食嘅一碟嘢…個配搭有啲特別但係味道好普通，所以唔食都冇乜損失

Tata Tot with Spicy Ketchup ⭐️⭐️⭐️⭐️ 呢個炸得好脆兼夾個茄汁有驚喜！平平無奇嘅茄汁入邊有 spicy kick 可能係加咗 cayenne pepper? 文胃超鍾意

cappuccino 冇乜特別🤷🏻‍♀️🤷🏻‍♀️所以唔講啦

Overall, 環境同氣氛令文胃過咗一個好愉快嘅上午，趕走哂啲Winter blues~~ 心情轉換咗～ 就有力量再去同殘酷嘅現實博鬥過 💪🏻💪🏻💪🏻😃