曾經喺旺角荔枝角道執業嘅中醫孔醫師，經歷考試同與家人分別七個月嘅漫長旅程，終於喺上年成功考獲溫哥華執業資格，並且透過加拿大嘅移民政策Stream B 移民加拿大，但係都要經歷過打五份工嘅生活累積工作時數，先有得繼續留低。嘗盡甜酸苦辣之後，香港人點樣重新喺外國嘅土地企穩？海外中醫業嘅發展空間又如何呢？

當初明知道辛苦要重新考過執業試，點解都咁想移民去加拿大呢？

主要是看不到香港有前途

當時看着病人和朋友一個接一個的離開，未走的其實也有部署和打算，那時就知道縱使離開的路會很難行，但留低也不見得是易事。

留低，或許搵錢會較容易，但能生存嗎？看看最近懲罰mee就知。曾經出現在apps的店，沒有生存空間了。

因此不論是為自己一代，還是下一代 只能尋覓另一個地方重新開始

雖然你暫時要打五份工累積工作時數，但係儲夠分之後，會唔會有計劃開自己嘅診所呢？

我諗最快明年都會開

除咗喺超市打工，喺溫哥華中醫診所應診，同喺大學教書之外，你係其他訪問入面提到會越洋幫病人做視像應診，咁睇完之後去邊度搵藥呢？

香港病人睇，從香港本地寄出； 英國病人睇，由英國當地服務點寄出，全國配送； 多倫多病人暫時要自行到藥材舖執藥； 溫哥華嘅就直接找我~

中藥嘅貨源喺邊度嚟嘅呢？呢啲中藥其實會唔會越嚟越貴？因為而家運費同埋各樣嘢都貴咗咁多？

中藥呢，其實都係一個問題, 藥材，99%都係黎自大陸, 運來美加，一來成本貴，二來運送過程長，送到黎，藥材質量普遍不太好。

因此老實說這邊用藥粉其實是比較合理的做法。藥粉本身遠比藥材方便，在香港大家已經用慣。而藥粉因為一樽樽，方便運送和儲存，雖然一樣有運送成本的問題，但始終好處多個壞處。 溫哥華這邊中藥進出口已經很成熟，雖然沒有香港方便，但不用中醫師自己費心，很多藥材和藥粉都有進口商和代理商。

藥粉功效會唔會冇咁好？

藥材的質量其實是一批批，靚的藥材療效好，但貴。平時給大家的藥材都是一般的，也不會很突出。

普遍來說，制作藥粉，藥廠一定不會選用最靚的藥材，同埋一大批地制作，療效勝在夠平均，而且至少廠方有QC

但藥粉有的方便性，係藥材俾唔到。再加上之前說長途運送的問題，所以藥粉一定係大趨勢。

但其實仲有一個問題，就是醫師開藥材和開藥粉的思路，其實是不同的。如果用開藥材的思路去開藥粉，療效一定唔好。有些中醫未必理解/轉換到，這也是點解有人會認為藥材好過藥粉的原因。

咁其實有啲咩人係會睇中醫嘅呢？因為西醫無論點講都係方便好多。

主要有三個原因

第一，是有啲人（普遍來說是東方人的體質較常見）食完西藥會唔舒服，或者解決不到本來expect可以解決的問題

第二，是一些亞健康狀態，西醫唔當係病，但病人又確實有唔舒服。西醫搵唔到原因，病人只能尋找另類治療方法

第三，是一些慢性疾病，例如IBS 腸易激綜合症，西藥能控制症狀，但停藥又會再出現。中藥有時療效不夠顯著，但因為從調整體質的角度著手，一旦取到療效，長遠來說通常都比較穩定。

點樣可以教育新嘅一代中醫嘅好處呢？

主要都是家裡的習慣耳濡目染, 當然中醫業界的推廣也很重要, 但在英美似乎很困難，澳洲和加拿大因為有中醫學校，有外國人學中醫，執業要考牌，認受性較高，會比較好。這也是我選擇來加拿大的原因之一, 我現在也在一家本地的中醫學校任教, 用英文教中醫是很有挑戰性, 但這裡學中醫的學生的決心, 比在香港強很多, 因為都是私營院校沒有政府資助, 還要跨越culture and language barrier , 他們的學醫之路比香港的學生難上百倍, 還有就是缺乏 有經驗 且有語文能力的醫師執教, 這裡的中醫教育界，雖然已經較其他外國地方成熟，但仍有待發展。

通常喺溫哥華讀一個中醫degree要幾錢？

以我任教的學校為例，考取 中藥師或針灸師 要3年，中醫師（ 中藥+針灸）4年，高級中醫師5年，每年學費大約10000加紙左右，視乎修讀多少學分。

出咗嚟做一個full-time嘅中醫師，人工又大概係幾多呢？

一般唔會有full time 請中醫師，多數用self employee 方式工作拆commission, 所以收入係好睇症數的多少，好難一概而論。

溫哥華平均嚟講睇一次症face to face係幾多錢呢？

也是很海鮮價😂以我現在開診的診所而言, 初診診金 $60 藥費$16/天。有的診所不收診金，但藥費就高點，有些會收診金，但藥費就平啲 有些藥費平，但藥的份量也跟住調低，有些藥費貴，但藥份量也足啲。

在這裡其實看中醫價錢普遍是比香港貴的，但貴得有沒有道理，還是很看個別情況。我現在工作的診所，覆診不用診金，只付藥費。

你喺文中有提到診所唔係咁容易宣傳，比較難建立病人嘅網絡，有時要靠口碑時間資源做推廣

醫療服務行業其實不用很刻意去推廣，療效好，口碑好，慢慢就會有人介紹囉。

不過像我們新從香港過來的中醫師，大家還是比較信任的。因為這裡雖然中醫師很多，但部分人仍會覺得這裡很難找到「識講廣東話」同「有經驗」的中醫師。不懂廣東話，溝通上有障礙，病人擔心自己不能好好講述病情，也擔心醫師不能好好理解病情。而曾經在香港修讀中醫、在香港執業的醫師，因為病人數目普遍較多，遇見的病種較廣泛，也比較熟悉香港人的體質、生活飲食習慣等，因此會有優勢

當然，去到外國地方，不論英美澳加，都是識人好過識字。社交網路越大，也較容易讓別人認識自己. (Follow 佢個Facebook Page: https://www.facebook.com/HKECinCanada)

你覺得我哋而家喺海外嘅香港人仲可以做啲咩去維繫，仲可以點樣去延續我哋嘅族群呢？

現在世界各地都有很多港人團體，希望大家都可以keep住團火，唔好忘記當年發生過的事，有很多人現在仍然受到迫害，我們之所以能夠有機會來，也是他們的犠牲換來的。做人不要忘本，如果有機會，請多參與同支持港人團體的活動，還有記得要保存廣東話，否則下一代很快就會忘記了

小編的話

仁心仁術嘅孔醫師講人話動聽～小編問咁多關於中醫業嘅嘢，希望有興趣嘅朋友會知道多啲，可以喺呢方面搵到發展空間，企穩陣腳之後不忘貢獻返香港人社群。