一向對啲遊客書推介半信半疑，永遠覺得要有啲保留：試咗先講!　畢竟呢個世界鱔稿太多，又或者因為食肆名不換，老闆及／或個廚換咗，可以係兩回事。 試過幾間所謂好食嘅越南河食肆，保守啲講，可能各人口味不同。

今日去咗一間有個 foodie 介紹嘅 ，老闆係呢度大嘅越南後裔，用祖宗方法煮個湯，佢地最出名就係因為個湯，用好多料熬好耐；而且，有別於有一啲其他人做法（我都整個嘅食譜），唔係低溫熬要個清湯，撇走啲油。佢地話，咪搞咁多，啲牛油先係成煲嘢個原汁原味。

本來我都預咗個湯好混濁，但又唔會喎。

間舖絕對係你估佢唔到，因為係一個油站旁，Up Up 耷耷，老老套套，有啲混亂，清潔還是可以，但背景「流行曲」絕對唔知佢唱乜，大概係越文吧。 等咗一陣 ，終於有得食。

臨食前我當然係映一大餐，平坐嘅「亞哥」望咗我兩眼，又唔係唔友善，只係好似有啲好奇我映乜鬼…. LOL

當然，乜都唔落，試啖湯，夠熱（抵讚!　銀行鎮某間去幾次幾次都唔熱，咁我都唔知啲生牛肉可以點搞，一個唔熱嘅湯係可以打冷鎮嘅　_) 飲咗一啖，老實講，真係好好味，唔搶但有啲Herbs嘅味，有肉味… !!!

將果幾塊生牛內分開，「隊」返入湯，生熟啱啱好！

個牛腩肉一層肥一層瘦，要減肥嘅朋友請注意！但應該就係啲油成就成件事。

我佩服，因為我似係一個普通人，都可以食到一碗唔普通啲牛肉粉。

臨走時員工用膳，佢地講佢地係好受歡迎，有啲人特登嚟食。細問之下，原來剛剛坐我隔籬果個「亞哥」就係老細，嘩!　成件事好有趣，老細跟間舖一樣—你都估佢唔到～！

更多關於搵食: https://www.facebook.com/CoffeeJourney.PeonyPottery IG: tury.sydney IG: chopstickfoodie.tury IG: turypeony.coffeejourney