今次介紹呢間新派韓國餐廳，其實食完真係有啲Little Mad㗎，不過我啲小朋友叫我唔好發皮四，所以我一直忍住唔出聲，廢事啲食物加料啦😅。

呢間餐廳開左未夠一年，之前一直想試下，今次嚟預祝個仔生日，咁就嚟試新嘢啦。

其實食物樣樣都好食，小朋友話有啲佢平時唔鍾意嘅食材，佢都覺得幾好食，可以接受。

雖然樣樣都正，不過間餐廳最敗北就係一次過上晒啲菜！我叫左5樣前菜，3個entrees，佢竟然一切過出哂所有頭盤！我之前已經同佢講食完頭盤先上主菜，佢竟然全部頭盤上哂，我要叫佢地唔好全部出佢地先停左我另外再加單嘅頭盤咋！

最唔高興就係有啲頭盤係要新鮮炸好食先正！但係等佢present完其他頭盤搞完一輪之後，我地先食，咁啲食物梗係冇咁熱同好食啦！不過味道係正嘅，如果再新鮮食仲好囉🙁。

雖然出餐時間有啲問題，但係服務態度都好好，如果有興趣試新嘢嘅朋友，記住叫侍應逐個頭盤上，唔係又係會一次過上哂啲餸，冇咁正呀！