咁吽係屋企有咩做？當然要煲下韓國綜藝，佢地三集唔埋兩集就會煮下料理，真係好鬼頂癮。言而好多韓食，例如豆腐煲，牛骨湯等，好難外賣架嘛。話說有一日比小編係一間日式超市uwajimya發現呢包豆腐湯做緊大特價 (US$1.99)! 係呢到買一磚豆腐都唔只呢個價，仲有埋湯包？! 即刻買左返去做下大長今… 開頭試佢medium hot湯包，個湯辣得嚟帶有微微既蒜香味，本身唔食得好辣既，medium hot程度最好，而食得辣既建議買extra hot個包。佢帶比你舌尖上的麻辣但又唔會辣到喉嚨，好正。佢個豆腐好滑，可以襯返d自選材料，一流! 如果買嚟做打邊爐湯底，建議要落多包湯包，因為加多幾次水好易溝淡晒d味。 根據西雅圖Old Cfood情報指呢個品牌係日本老牌子於加州設廠多年。雖然產品個湯……係紅底，但公司個底絕對唔紅，可以安心食用。
