你研究咗占星幾耐呢？ 師承何處？

我大概12歲開始認識占星，就好似大家打開雜誌見到占星運勢專欄。但我當年中學學校圖書館有本書叫「占星全書」，五年中學重重複複咁睇呢本書。加上90年代電台會講占星就係「占星小王子」，聽佢同主持人清談而得知更多占星知識。

喺占星學上28歲係一個重要嘅人生時間, 而我就喺嗰一年決定正式拜師學藝跟台灣吳安蘭老師學習。其中一個幾重要嘅概念：「一體兩面」, 即係一個銀仔兩個面。代表所謂壞事其唔係一啲好處都無，而所謂好事並唔係無隱憂.

大約一年之後，我就跟英國占星學院(FAS - Faculty of Astrological Studies) 透過遙距課程學習，一直斷斷續續咁研究同埋寫blog。

對我而言，占星係一種語言，用佢理解個世界各方面。因為占星學用字會隨時代增加、改變。加上年紀增長，好多用字都有更深刻了解，明白過程比目標更重要。

通常開盤係點開㗎呢？ 開占星盤多用網站或軟件，占星學院都會教最傳統查表方式去製作占星盤。開占星盤方式好多，要睇所問何事。有時要需要開多個星盤去確定事情走向，互相檢查。

如果問個人運勢，會開個人本命盤、流年盤、太陽回歸盤。如果已移居海外，就會再開以當地城市坐標個人本命盤、流年盤與太陽回歸盤。

今年係美國嘅大選年，唔知美國嘅國運喺大選年之後會有啲咩變化？ 由2022年 2月22日開始美國正式進入一個叫「冥王回歸」階段，為期兩年半左右，大概2024年11月完結。某程度上預視一個看似弱勢政府上台，而這個弱勢政府會成就一個國家，可以參考英國第三次冥王回歸的佐治三世 (George III) 以及羅馬帝國開國皇帝奧古斯汀 (Augustus) 的上位過程。

所以拜登算成就美國國運考試，佢嘅退選與對權力不眷戀某程度係減低國運考試帶來嘅政治危機，而年底冥王星完全離開摩羯座，代表他順勢帶走舊權力核心。而下次要遇上冥王摩羯要等上 243 年。

下一屆政府會相對比較年青有活力，亦可能繼續予人弱勢、能力與經驗不足，但相信美國繼續會在國際上處於優勢或領導位置，有機會開展如英國、羅馬帝國等展開百年盛世。

英國近排有反移民，大不列顛嘅國運又係咪會一直疲弱落去呢？ 英國會於2044 - 2045年進入第四次回歸，現在英國情況有點似 2000年左右美國，移民、弱勢抬頭，經濟疲弱等等。由而家到 2044年呢段時間，會有新興勢力、新嘅金融經濟出現：就好似美國 嘅Tech Giants ，而家幾乎取代咗華爾街，雖然暫時未睇到英國有咩行業跑出，但可以肯定唔會一直衰退落去，除非政府會推出一樣減值貨幣或措施，咁樣英國就無復甦機會。 同樣有色人種冒起，如果香港人積極參與英國本土政治，某程度係應驗咗呢一項，英國不只香港人呢一個種族，所以香港人有機會與其他族群、族裔合作與競爭。

台灣又有台海危機，佢又會唔會比中國武統成功？ 台灣國家盤有好多說法，不同老師、不同觀點。我覺得台海危機無想像嚴重，可能部署太好，一直難似引爆。坊間一直會認為 2026、2027，我相信無咁早。

最後你又有啲乜嘢想寄語海外香港人？ 香港人流散各地，就好似個保護罩終於打爛咗，要睇清與面對國際環境。離開出生地與要開始第二人生，其實已經好叻，面對咁多未知，能夠一步一腳印解決係值得嘉許。香港人需要認清自己再唔係地方主要族群時，要如何自處，如何好好滋養下一代，要擁有更宏大世界觀，懂得如何與其他族裔合作、競爭與博弈。咁香港人即使失去自己家鄉，都依然擁有自己身份。

香港到底是歸英或獨立都唔再係 90後的任務，會實踐呢個成就將係千禧世代。

即係下一代喺香港嘅香港人仍然會為抗爭努力落去？ 如果下一代清楚知道而家出走目的，佢哋會抗爭落去，但唔會用我哋而家慣用手法。

睇盤可以PM 我或到我網站留言 https://starlight844.com/

小編的話 聽完Synnove嘅分析之後，覺得最surprising嘅係佢最後嘅寄語，小編會將佢解讀為唔同階層會繼續nurture下一代, 時機成熟，我哋會捲土重來🤨💪🏻

如果各位有其他問題或者想知自己嘅流年運程，歡迎大力follow佢嘅Social Media，同佢book個時間傾🔯🔯💫 FB: https://www.facebook.com/lostintheskys

Above Synnove 專心研習占星及占星神話超過十年，在英國占星學院 (FAS) 修讀現代占星。認為占星不限於雜誌上的每週運勢專欄，它與我們生活息息相關。最近開始創作占星小劇場，並用占星角度研習歷史興衰、生活娛樂，以及城市、國家運勢。