今次又再繼續講下甜品。

呢間新開幾個月，位於east village九街嘅人氣甜品店，係由兩位馬來西亞人主理。佢哋曾經喺新加坡，馬來西亞同紐約多間五星級酒店做過甜品師，非常有經驗同水準！

唔好睇佢店仔細細，佢哋有多種不同口味嘅甜品糕點選擇。

我試左好幾款甜品，件件外貌精緻不在話下，味道仲好食到不得了！甜品西餅嘅口味好啱亞洲人，唔係太甜，奶油口感幼細，酥餅鬆脆可口，我啲小朋友都話好食😋。如果鍾意食班蘭口味嘅朋友，記得去試下！

佢哋仲有另一signiture甜品就係用貓山王榴連整嘅甜品，有糕點同mousse pudding。因為我唔食榴連，所以冇試過，不過朋友試左話好滑好正！啲榴連味放喺車度仲成架車都聞到！用料十足！好堅呀！

佢哋仲有特別嘅香港奶茶味同玫瑰花味 Swiss roll cake，朋友試過玫瑰花味話正，我下次一定要試下。

大家記住要早啲去呀！因為佢地越嚟越出名，週末假期都要排隊，好多好味嘅甜品會一早賣哂，有買趁早呀！