by 芝城莫文胃

通常啲人去旅行會行名勝或者血拼, 但文胃就有個怪辟, 就係超鐘意行當地街市或超市, 買下啲特有水菓同未見過嘅零食….咁依家疫情無得去旅行啦, 但係無阻文胃鐘意捐窿捐罅搵新地方去嘅決心💪🏻💪🏻💪🏻今次就搵到芝加哥呢間Mariano’s旗下嘅新店Dom’s Kitchen & Market! 🤩🤩🤩

首先佢雖然位於繁忙嘅Halsted, 但佢有個不大不少嘅停車場, 所以都尚算方便. 其實佢本身唔係好大, 但係有個好精緻嘅Cafe, 個甜品部仲有超多款式!

而最最最令文胃心動嘅就係佢個超靚半開放式嘅seating area! 你只需要買杯咖啡加部 laptop 就可以喺個咁正嘅地方坐低扮工幾個鐘㗎喇! 係咪好介紹先！見你係芝豬同路人先話你聽咋! 唔好咁大聲同其他人講呀! 🤫🤫🤫🤣🤣

至於佢啲菜呀肉呀盛呀嗰啲雜貨呢就比平時嘅Marianos 貴嘅, 咁係咪一分錢一分貨呢就見人見智啦。有人會洗$100買塊和牛, 但又有人$20蚊買塊ribeye都嫌貴. 又有同行嘅友人話貴過wholefood 好多……….. 文胃就覺得睇吓同行吓都唔洗錢嘅, 睇啱咪買, 唔啱嘅咪去坐吓hea 吓囉😜😜😜 香港人呀~ 放鬆啲~ 學吓欣賞同讚美身邊嘅事物。心開路開 💛💛🎉🎉😄

想睇埋其他關於芝加哥嘅生活資訊同香港人開嘅食店或生意？㩒下面芝加哥個Tag就會彈出嚟㗎喇！