喺曼谷乜嘢地方最有聖誕氣氛？冇錯，就喺商場。各大商場都有唔同嘅聖誕裝置同埋聖誕市集，吸引年青人同埋一家大細嚟影相、食嘢同打卡，為暖暖嘅聖誕更添溫馨。

為咗未有機會嚟曼谷過聖誕嘅朋友，哈哈太太由日頭到夜晚，走訪各大人氣熱點，等大家可以感受下泰式聖誕氣氛。大家睇相認得邊到打邊度嗎？

排名不分先後： Siam Paragon 唐人街 Central Embassy Emporium Central World Chidlom Central Wireless Road Icon Siam 特別呈獻：哈哈泰泰屋企樓下

哈哈泰泰細細個嘅時候，會同屋企人或者朋友仔專登去睇聖誕燈飾，係充滿童真同相信世界嘅年代。但後來大個咗喺商業區返工放工，縱然見到大量聖誕裝飾，奈何被俗務煩擾，唔會有任何特別感覺，亦冇心情駐足欣賞。而家喺泰國做個閒人，反而重拾昔日尋情懷。

在此祝大家聖誕充滿平安喜樂。